被大家誉为“下饭神剧”
《请回答1988》 里面
“珍珠妹妹” 永远都喺度
食紧大大件嘅零食
令人睇到都觉得特别满足
除了吃
大大件嘅零食用来做道具
仲非常好出片嘎
Color君就帮大家搵到
好多over size嘅得意零食
一次过满足大家嘅
“珍珠”梦&打卡日常
▓▓▓▓▓▓▓▓▓▓▓░░░░ 努力加载中… …
“妈见打”系列
无论係大人定係细路
大家呢种中意 “大” 嘅心态
被商家get到了
山姆会员商店 前段时间
就推出过巨型桶装即食面
将一个常规即食杯面
包装 放大咗几十倍
再将各种口味嘅即食面
放入里面打造 巨型“全家桶”
因为抱住佢影相几威水
大家都觉得好好玩
所以呢款即食面礼包
好快就卖晒了
罐装薯片都推出咗超长罐款式
同大桶即食面有异曲同工之妙
商家将普通款嘅罐罐拉长几倍
打包多罐唔同口味嘅薯片
斋个外包装就已经够晒吸睛
买一筒翻去可以试晒所有口味
真係几掂噶
仲有好多零食品牌
都推出咗呢种 “巨大礼包”
份量上令人超满足
捧回家嘅一路上
都会收到路人的艳羡眼光
到咗过年过节嘅时候
五花八门嘅节日大礼包就更多
但食膨化食品要适可而止
阿妈见到你食
肯定会叫你去饮凉茶啦
胰岛素报警
甜丝丝嘅糖果
係小朋友嘅欢乐源泉
Q弹可口的小熊软糖
放大100倍之后
就会变成重达2斤嘅 “大熊软糖”
弹度升呢
捧在手上大啖咬
爽滑弹牙口感好过瘾
硬口耐舔嘅棒棒糖
都有巨型size版
喺Color粤语课堂
成日出镜嘅大大波板糖
就比日常大家食嘅糖仔大几倍
喺早前播出嘅
电视剧《爱的勘探法》中
男主角用一粒巨型棍仔糖
向女主表白
糖嘅码数变大、甜度上升
表白成功率都即刻upgrade咗
大家由细食到大嘅 三角巧克力
都推出咗9磅大size款
里面还原咗
正常款巧克力嘅一格格三角形
不过因为码数大咗
每格拗开就好似一块大蛋糕咁
食过嘅朋友都话好满足
肚仔痛预告
为食猫嘅小嘴巴
点可以少咗雪糕、饮冷饮
大大桶嘅雪糕
最啱煲剧嘅时候揽住食
用大匙羹挖住食
可以食到满足为止
大大碌嘅 火腿状冰淇淋
都好架势
你中意切成片食又得
中意成支捧住咬都得
仲有茶饮、咖啡店
都推出king size大杯装饮品
原只柠檬、plus版大珍珠等配料
令大家欢乐加倍
Color君又要温馨提醒啦
冻嘢唔适宜食太多
好容易肚仔痛噶
食呢啲大size嘅零食
最好搵朋友仔一齐分享啦
如果你都係个为食猫
跟住Color开餐
又潮又jeng嘅美食随时get
信息来源：可乐生活705期
编辑：郭玮
审核：曾敏妍
签发：骆苹
扫描下方二维码订阅
【微店】羊晚文创线上商店
【淘宝】羊晚生活馆
【邮政】中国邮政微邮局 ▼
>>>
一次过get可乐 报详细内容
羊城晚报报业集团旗下的粤语生活类报纸，广东省唯一一份粤语刊物。 广州至潮至IN的吃喝玩乐，湾区潮流资讯风向，统统喺晒度！
微信公众号、微博、 微信视频号、喜马拉雅 @可乐生活Color
哗哩哗哩、小红书 @Color班马
抖音@可乐生活
官方商务合作QQ：1902182069 （请注明来意）
官方微信号：靓仔可乐君（handsomecolor） （请注明来意）
