六月ｅ花
作詞：紀淑玲
作曲：紀淑玲
[口白]
六月ｅ時陣 黃色ｅ相思花 開甲滿山頂
六年ｅ囝仔 每工透早 攏佇學校門口掃花
一蕊一蕊親像珍珠ｅ相思花 落甲歸土腳
相思仔花 勿會 香 足小蕊
但是 所有ｅ相思仔花鬥陣開
彼款認真 彼款力量
乎山頭變色 乎我感動
六年ｅ囝仔欲畢業啊！心內真嘸甘
寫這首 六月ｅ花 送乎所有ｅ囝仔.......
時間親像山頂ｅ風 日子親像溪水佇流
落甲歸土鄉ｅ相思仔花 是不是嘸甘阮走
相思仔花 相思仔花 開甲滿山頂
相思仔花 相思仔花 目屎滴滴流
相思仔花 相思仔花 請你嘸通哭
相思仔花 相思仔花 永遠永遠永遠佇我心頭
時間親像山頂ｅ風 日子親像溪水佇流
落甲歸土腳ｅ相思仔花 是不是嘸甘阮走
