陈展鹏自认性格有缺陷，愧疚连累老婆

　　陈展鹏自认性格有缺陷，愧疚连累老婆！
　　陈展鹏自小就热爱打乒乓，曾效力香港乒乓球队，亦因而塑造了独行独断的性格。但他从没想过这种性格，对于电视演员来说是致命伤，直到烙印出现在单文柔身上。我好愧疚，同埋好对佢屋企人唔住。我知佢其实追我嘅步伐好吃力，所以一直都好尊重佢嘅谂法，只要佢开心我就OK！
　　入行28年，陈展鹏一直获不少贵人扶持，但因不懂娱乐圈的游戏法则，令他多次受挫。我系唔钟意讲八卦嘢，亦唔钟意讲八卦去伤害其他人，所以一直好检点，因为当我牺牲咁多去做呢一行，系唔会希望有任何污点出现喺自己身上，何况好多嘢我系冇做过。我曾经都好唔明我嘅衣着打扮，同我做嘅戏有咩关系，明明系两回事。直到2016年我拎奖，然后有绯闻、有单文柔嘅出现，我好不忿，唔明点解会咁。后来好多前辈都同我讲，如果要再上就一定要通，要接受人哋批评，亦要学识表达，唔好令人误会自己。
　　单文柔在老公身边总是小鸟依人，而陈展鹏亦是爱妻号一名，但原来都会都有争拗。因为大家都视对方为最重要的人，如果系朋友的话我完全可以唔理。
　　2016年，陈展鹏与胡定欣因《城寨英雄》而成了萤幕情侣，经常一齐接job出活动，直到男方被影到与单文柔驾车到山顶开餐兼谈心。但由于陈展鹏矢口否认恋情，令刚出道的单文柔遭粉丝疯狂攻击，无辜被骂小三。佢刚入娱乐圈就已经认识我，然后就被我唔系咁好嘅决定令佢有好大烙印。我好愧疚，同埋好对佢屋企人唔住，当时我哋刚刚开始，结果令佢好惊，整整一个星期唔敢出门口，我同佢讲好对唔住，会用我最大嘅去可以改变观众对佢嘅感觉。由恋情不被看好，到宣布拉埋天窗，外间均认为单文柔是守得云开。由结婚到生小朋友发生得太快，佢其实追得好吃力，所以我好尊重佢嘅谂法，希望佢开心就OK。我成日同佢讲唔好将所有时间分配晒比我同屋企，鼓励佢去做自己喜欢嘅事，甚至佢唔想做嘢我都得，即系我要再搵多啲钱。
　　陈展鹏说虽然会给予老婆百分百的尊重，但人生总会出现很多现实与理想。我哋都会嗌交，直情系带拳套上台嗰只。我同佢唔佢唔系一个generation，屋企背景唔同、作风唔同，我一向都系报喜不报忧，但佢系咩都同屋企讲，我唔系觉得有问题，但因为我同佢已经组织咗家庭，问题只会愈来愈多，唔可以成日都谂以前系点，但我明白佢有呢种反抗情绪系因为追我嘅步伐好辛苦。陈展鹏当初怕老婆有产后抑郁，除多加留意对方情绪外，又搬到单文柔娘家附近，好让大家可互相照顾。我记得小猪比第一日返屋企时，陪月未上到工，我又拍紧《唐人街》，BB系咁喊，Phoebe好腾鸡WhatsApp我话搞唔掂，到我零晨3点几返到屋企，同佢一边睇YouTube一边学包被，搞咗两个几钟，后来发现张被太细根本包唔晒，所以BB先会不停喊，我第日7点几开工时个头痛到爆炸。
　　小猪比正式踏入trouble2时期，近日同陈展鹏讲得最多嘅系no，刷牙唔漱口，疯狂开关屋企嘅所有灯掣，陈展鹏不时都会嬲到笑。我有时都会闹佢或者打佢手掌，但亦会同Phoebe检视自己。个女而家有少少似我，好有自己一套，但我希望佢似嘅系进化之后嘅我，因为如果唔系，佢会好多嘢都行远咗，又或者无咁teamwork。对于爱女的期望，陈展鹏直接以最新单曲《零岁》表达了。曾在90年代加入宝丽金的他，年初终于下定决心重拾歌手身份，起初只系打算简单地出首歌，没想到唱片公司找来舒文做监制，试音时，一句你几耐无唱歌？吓窒了陈展鹏。我已经系少少老屎忽，有自己嘅谂法未必咁易改变到。喺监制过程中，我明白舒文系好辛苦，因为唔对等，就好似我拍剧成日都想有好对手、剧本，不过今次喺佢身上真系学到好多嘢，亦感受到佢真系为学坛付出好多。
　　转自看港剧